ބީލަމުގައި ބައިވެރިވާ ފަރާތްތައް ހޮވާނީ، ތިރީގައިމިވާ ގޮތުގެމަތިން އެ ބީލަމެއްގެ މަސައްކަތް ކުރިޔަށް ގެންދިޔުމަށް ކަނޑައަޅާފައިވާ ގޮތްތަކަށް ބަލައިގެންނެވެ.
މި ގަވާއިދުގެ 10.38 ވަނަ މާއްދާގައި ބަޔާންކުރެވިފައިވާގޮތަށް އާންމުކޮށް އިޢުލާންކޮށްގެން ހުށަހަޅާ ފަރާތްތައް އިވެލުއޭޓްކޮށްގެން، ނުވަތަ މި ގަވާއިދުގެ 10.40 ވަނަ މާއްދާގައި ބަޔާންކުރެވިފައިވާ ގޮތުގެމަތިން އާންމުކޮށް އިޢުލާންކޮށްގެން ހުށަހަޅާ ފަރާތްތައް ޕްރީ-ކޮލިފައިކޮށްގެން.
މި ގަވާއިދުގެ 10.41 ވަނަ މާއްދާގައި ބަޔާންކުރެވިފައިވާގޮތަށް ބީލަމުގައި ބައިވެރިވުމުގެ ޝައުޤުވެރިކަން ހުށަހެޅުމަށް އާންމުކޮށް އިޢުލާނުކޮށް ޝައުޤުވެރިކަން ހުށަހަޅާ ފަރާތްތައް ޝޯޓްލިސްޓްކޮށް އެފަރާތްތަކަށް ބީލަން ހުށަހެޅުމުގެ ދަޢުވަތު (ރިކްއެސްޓް ފޮރ ޕްރޮޕޯސަލް) ފޮނުވައިގެން.
މި ގަވާއިދުގެ 10.42 ވަނަ މާއްދާގައި ބަޔާންކުރެވިފައިވާގޮތަށް ޝޯޓްލިސްޓްކޮށް ބީލަމުގައި ބައިވެރިވުމުގެ ފުރުޞަތު ވަކި ފަރާތްތަކަކަށް އެކަނި ހުޅުވާލައިގެންނާއި އެކި ފަރާތްތަކުން ކޯޓޭޝަން ހޯދައިގެން.
އެއްފަރާތަކުން ލިބެން ހުންނަ ތަކެތި ހޯދުމަށް އެފަރާތެއް ކަނޑައަޅައިގެން.