ކޮމިޓީގެ ރިޕޯޓު ލިބުމަށްފަހު، މުދަލާއި ފައިސާ ބެލެހެއްޓުމުގެ ނިޒާމު ހަރުދަނާކުރުމަށް ކުރިން އަޅާފައިވާ ފިޔަވަޅުތަކުގެ އިތުރުން މިނިސްޓަރަށް ފެންނަނަމަ އިތުރު ފިޔަވަޅެއް އެޅުމަށް އަންގަންވާނެއެވެ.
މައްސަލައިގައި ގެއްލުމެއް ލިބިފައިވާނަމަ، ލިބިފައިވާ ގެއްލުމަށް ޒިންމާވާންޖެހޭ މުވައްޒަފު ނުވަތަ މުވައްޒަފުން އަތުން އެ ގެއްލުމެއްގެ ބަދަލު ހޯދުމުގައި ޢަމަލުކުރާނެ ގޮތެއް ނުވަތަ ޖޫރިމަނާ ކުރަންވީ އަދަދު ކަނޑައަޅާނީ މިނިސްޓަރެވެ.
މި މާއްދާގެ (ށ) ގައިވާ ފިޔަވަޅު އަޅާނީ، އެ މުވައްޒަފަކު ވަޒީފާ އަދާކުރާ މުއައްސަސާއަކަށް އަންގައި، އެ މުއައްސަސާއެއް މެދުވެރިކޮށްގެންނެވެ.
މި މާއްދާގެ (ށ) ގައިވާ ފިޔަވަޅު އަޅަންޖެހެނީ، މުވައްޒަފަކު ފިޔަވައި އެހެން ފަރާތަކާ މެދުގައި ކަމަށްވާނަމަ، އެ ފަރާތަކާމެދު ފިޔަވަޅު އަޅާނީ ޝަރީޢަތް މެދުވެރިކޮށްގެންނެވެ.