ދައުލަތުގެ އުޅަނދުފަހަރާއި، ގިނަ ދުވަހަށް ކުއްޔަށް ހިފައިގެން ގެންގުޅޭ އުޅަނދުތަކުގައި ކުރާ ދަތުރުތަކުގެ މަޢުލޫމާތު، ތިރީގައިވާ ކަންތައްތައް އެނގޭނެ ގޮތަށް ރިކޯޑު ބަލަހައްޓަންވާނެއެވެ. (MG/BC15)
- ދަތުރުކުރި ތާރީޚު
- ދަތުރު ފެށި ގަޑިއާއި، ނިންމި ގަޑި
- ދަތުރުގެ ބޭނުން
- ދަތުރު ކުރުވި މުވައްޒަފުންގެ ނަމާއި، މަޤާމު އަދި ސޮއި
- އެހެން ފަރާތަކުން ފައިސާ ލިބޭގޮތަށް ކުރި ދަތުރެއްނަމަ، ދަތުރުކުރުމަށް އެއްބަސްވި އަގާއި، އެ އަގު ހޯދުމަށް އެޅި ފިޔަވަޅު
- ފަހުން ފައިސާ ދައްކާގޮތަށް ކުރި ދަތުރެއްނަމަ، ދަތުރަށް ހެދި ބިލުގެ ތަފުސީލާއި ތާރީޚު
- ވަގުތުން ފައިސާ ލިބުނުނަމަ، ފައިސާ ބަލައިގަތް ރަސީދުގެ ތަފުސީލާއި ތާރީޚު
މި މާއްދާގެ (ހ) ގައިވާ ގޮތުގެމަތިން ދަތުރުގެ މަޢުލޫމާތު ފުރިހަމަކުރުމުގައި އެ މާއްދާގެ (ހ) ގެ ނަންބަރު 1 ން 4 ގައި ބަޔާންކޮށްފައިވާ މަޢުލޫމާތު ރެކޯޑުކުރުމުގެ ޒިންމާ އުފުލާނީ، އެ ދަތުރެއް ކުރި އުޅަނދު ދުއްވި މީހާއެވެ. އަދި މި މާއްދާގެ (ހ) ގެ ނަންބަރު 5 ން 7 ގައި ބަޔާންކޮށްފައިވާ މަޢުލޫމާތު ރެކޯޑުކުރުމުގެ ޒިންމާ އުފުލާނީ، އެ އުޅަނދެއްގެ ކަންތައްތައް ބަލަހައްޓާ ދައުލަތުގެ އޮފީހަކުންނެވެ.