ބީލަން ކާމިޔާބުކުރާ ފަރާތުން ޢަމަލުކުރުމަށް މި ގަވާއިދުގެ 10.71 ވަނަ މާއްދާއާއި 10.72 ވަނަ މާއްދާގައިވާ ގޮތުގެމަތިން އެ ކޮންޓްރެކްޓަރަކު ޢަމަލުނުކޮށްފިނަމަ، ދައުލަތުގެ ބީލަންތަކުގައި މަދުވެގެން 1 (އެކެއް) އަހަރުދުވަހުގެ މުއްދަތަށް އެ ކޮންޓްރެކްޓަރަކު ބައިވެރިކޮށްގެން ނުވާނެއެވެ.
ބީލަން ކާމިޔާބުކުރާ ފަރާތުން މި ގަވާއިދުގެ 10.71 ވަނަ މާއްދާއާއި 10.72 ވަނަ މާއްދާގައިވާ ގޮތުގެމަތިން ޢަމަލުނުކޮށްފިނަމަ، ކޮންޓްރެކްޓުގައި ބަޔާންކުރާ ގޮތެއްގެމަތިން އެފަރާތެއްގެ މުދާ ވިއްކައިގެން ލިބޭ ފައިސާއިން އެކަމެއް ހަމަޖައްސާނީއެވެ. މުދާ ވިއްކައިގެން ލިބޭ ފައިސާއިން އެކަމަށް ހިނގި ޚަރަދު ހަމަޖެއްސުމަށްފަހު، ބާކީ ފައިސާ ހުރިނަމަ އެފަރާތަކަށް ދޭންވާނެއެވެ.
ބީލަން ކާމިޔާބުކުރާ ފަރާތުން މި ގަވާއިދުގެ 10.71 ވަނަ މާއްދާއާއި 10.72 ވަނަ މާއްދާގައިވާ ގޮތުގެމަތިން ޢަމަލުނުކޮށްފި ހާލަތެއްގައި، މި މާއްދާގެ (ށ) ގައިވާ ގޮތުގެމަތިން އެފަރާތެއްގެ މުދާ ވިއްކައިގެން އެކަމެއް ހަމަޖެއްސޭނެ ގޮތެއް ކޮންޓްރެކްޓުގައި ބަޔާންކުރެވިފައި ނެތްނަމަ، އެފަދަ މައްސަލަތައް ނިންމާނީ ޝަރީޢަތަށް ހުށަހަޅައިގެންނެވެ.