މުވައްޒަފަކަށް ލިބޭ މުސާރައާއި އުޖޫރަ ފައިސާއިން އެއްވެސް އަދަދެއްގެ ފައިސާއެއް އުނިކުރެވޭނީ ޤާނޫނަކުން ނުވަތަ ޝަރުޢީ ކޯޓަކުން އަންގާ އެންގުމަކާ ގުޅިގެންނެވެ. މިއާ ޚިލާފަށް ޢަމަލުކުރެވޭނީ އަންނަނިވި ހާލަތްތަކުގައި އެކަންޏެވެ.
- މުވައްޒަފެއްގެ ފަރާތުން ފައިސާ އުނިކުރުމަށް ލިޔުމެއް ނުވަތަ އެކަމަށް އެއްބަސްވުމެއް ލިބިގެން.
- މި ގަވާއިދުގައި ބުނެފައިވާ ގޮތުގެމަތިން އެޑްވާންސަށް ނަގާފައިވާ ފައިސާއެއް ނުވަތަ ދައުލަތަށް ދައްކަންޖެހޭ ފައިސާއެއް އަނބުރާ ދެއްކުމަށް.
މި މާއްދާގެ (ހ) ގައިވާފަދަ ފައިސާ މިނިސްޓްރީ އޮފް ފިނޭންސްގެ ހިސާބުގައި ހިމަނާނީ، އެކަމަށް ކަނޑައެޅިފައިވާ ކޯޑެއްގައެވެ.