ދައުލަތުގެ ފައިސާގެ ތެރެއިން، ތިރީގައިވާ ފައިސާ ޖަމާކުރަންވާނީ ލޯންސް އެންޑް ކެޕިޓަލް ވަރކްސް ފަންޑަށެވެ.
- ދައުލަތުގެ ބޭނުންތަކަށް މާލިއްޔަތުގެ ގަވާއިދުގައިވާ ގޮތުގެ މަތިން، ދައުލަތުން ދޭ ލޯނުގެ ގޮތުގައި ދޫކުރުމަށާއި، ކެޕިޓަލް ޚަރަދުތަކަށް ދޫކުރުމަށް ކޮންސޮލިޑޭޓަޑް ރެވެނިއު ފަންޑުން، ލޯންސް އެންޑް ކެޕިޓަލް ވަރކްސް ފަންޑަށް ދޫކުރާ ފައިސާ.
- ލޯންސް އެންޑް ކެޕިޓަލް ވަރކްސް ފަންޑުން ދޫކުރި ލޯނުގެ ޕްރިންސިޕަލް އަދަދަށް ދައްކާ ފައިސާ.
- ދައުލަތުގެ މުދަލެއް ވިއްކައިގެން ލިބޭ ފައިސާ.
- ބައިނަލްއަޤުވާމީ ޖަމާޢަތަކުންވިޔަސް، އަދި އެހެން ފަރާތަކުންވިޔަސް، ކެޕިޓަލް ޚަރަދުކުރުމަށް އެއްވެސް ޝަރުޠަކާ ނުލައި، އެހީގެ ގޮތުގައި ދޭ ފައިސާ.
- ކެޕިޓަލް ޚަރަދުކުރުމަށް، ނުވަތަ އެހެންވެސް ކަމަކަށް އެކި ފަރާތްތަކުން ދައުލަތަށް ދޫކުރާ ލޯނުގެ ފައިސާއާއި، ދައުލަތުން ދަރަންޏަށް ހޯދާ ފައިސާ.
ލޯންސް އެންޑް ކެޕިޓަލް ވަރކްސް ފަންޑުން، ދައުލަތުގެ ފައިސާ ދޫކުރާނީ ތިރީގައިމިވާ ގޮތުގެމަތިންނެވެ.
- ދައުލަތުގެ ބަޖެޓުގައިވާ ގޮތުގެމަތިން ފައިސާ ދޫކުރުމަށް.
- ލޯންސް އެންޑް ކެޕިޓަލް ވަރކްސް ފަންޑަށް ދައުލަތުގެ ފައިސާ ޖަމާކުރީ ވަކި ބޭނުމެއްގައި ކަމުގައިވާނަމަ، އެ ބޭނުމެއް ހާސިލުކުރުމަށް.