ދައުލަތުން ނަގާ ލޯނުގެ ހިސާބުތައް ބެލެހެއްޓުމުގައި، ތިރީގައިމިވާ ބާވަތުގެ ކަމެއް ހިނގައިފިނަމަ، ލޯނު ރަޖިސްޓަރީއާއި ހިސާބުތަކަށް ގެންނަންޖެހޭ ބަދަލުތައް ގެނެސް ލޯނާގުޅޭ އެހެނިހެން މަޢުލޫމާތު ފައިލުތައް އަޕްޑޭޓްކޮށް ބަލަހައްޓަންވާނެއެވެ.
- ކުރިން ނަގާފައިވާ ލޯނެއްގެ އަދަދު އިތުރުވުން.
- ލޯނު ދައްކަންޖެހޭ މުއްދަތާއި ތާވަލު ބަދަލުވުން.
- މުޅި ލޯނު ނުވަތަ ލޯނުގެ ބައެއް ކެންސަލްވުން.
- ލޯނު އެއްބަސްވުމާ ޚިލާފުވުން.
- ލޯނުގައި ބައިވެރިވާ ފަރާތަކަށް ބަދަލެއް އައުން.
- ލޯނުގެ ސެކިއުރިޓީއަށް ނުވަތަ ގެރެންޓީއަށް ބަދަލެއްއައުން.
މާލީއަހަރުގެ ތެރޭގައި ބާކީހުރި ލޯނުގެ އަދަދަށް، އަހަރުގެ ތެރޭގައި ބޭރުފައިސާގެ އަގަށް އަންނަ ބަދަލުން ކުރާ އަސަރު އެ އަހަރެއްގެ މާލީހިސާބުތަކުގައި ބަޔާންކުރަންވާނެއެވެ.